【湯布院】日本Glamping天花板

一直想晌日本搵個靚靚高質既Glamping Comorebi分左為幾款房型，今次我地入住既係Sky Tree Garden，全個Glamping得一間。 【Sky tree空中庭園】 Sky Tree Garden有一條樓梯上Sky tree,可以俯瞰成個Glamping既空間，Sky tree仲有張藤椅可以坐晌度chill下，上面仲可以set camp fire。 【帳篷房間】 房間非常舒適，空間感十足，傢俱有設計感，床非常大及軟熟。另外，房間有暖氣、雪櫃，如有寵物的朋友，亦有狗狗樓梯及狗籠，適合帶愛犬一齊黎玩。 【玻璃波波屋】 呢區主要用膳用，晚餐主要係用時令食材做BBQ，外面有BBQ爐可以享受自己烹調既樂趣。早餐係我見過最靚既Glamping款式，味道非常好，影相亦極靚 【設施】 有溫泉供公眾使用，main building有wine bar，另外仲有d影相區 【交通】 Comorebi位於距離湯布院半小時既車程，如果無自駕既朋友，可以晌湯布院站旁乘搭的士前往，約8000 Yen左右。記得走嗰陣都可以搵職員幫手預約的士呀。 【特別介紹】 呢度仲有特色房型如360度全玻璃屋、多人入住房等等。 推介度⭐⭐⭐⭐⭐ 呢間真心環境同服務都超級好，真係日本入住必選Glamping ＃日本Glamping ＃由布院